Derisa zëdhënësi i partisë së Ramush Hardainajt, Ernest Luma është i pakapshëm e Sekretari i kij subjektit, Burim Ramdani s’ka koment, deputeti Daut Haradinaj ka pranuar të komentojë humbjen e Naim Malokut.
Naim Maloku, një ekspert në fushën e sigurisë, kohë më parë ka qenë njëri ndër nënkryetarët e AAK’së, por që nga sot ai është pjesë e partisë së Behgjet Pacollit.
Deputeti Haradinaj thotë se largimi i tij nga AAk’ja nuk do ta dëmtojë këtë subjekt, përkundrazi, do ta lehtësojë.
“Largimi i zotëri Malokut nga AAK’ja është një problem më pak për partinë”, thotë Haradinaj, për Gazetën Express.
Ai megjithëse i uron sukses në karrierë politike, ka edhe një paralajmërim për të.
“Unë i uroj zotëri Malokut suksese në aderimin e tij në AKR, por s’ka me gjet kurrkund më mirë se në AAK”, thotë deputeti Daut Haradinaj.
Ai ka shpjeguar për Express që largimi i Naim Malokut nga AAK’ja nuk është krejt i rastësishëm.
“Zotëri Naim Maloku ka kohë që nuk është aktiv në aleancë. Ai ka kontaktuar kohë më parë me struktura të larat të partisë, këtë e dijë, por un nuk kam qen në takime, por megjithatë i uroj sukses”, thotë Haradinaj për Express.