Zyrtarë komunalë të Rahovecit kanë shuar shpresat e banorëve të Hoçës së Madhe të Rahovecit të cilët kanë qenë në pritje të fillimit të asfaltimit të rrugës nga ajo rajonale Rahovec-Suharekë deri në brendi fshati, shkruan sot Koha Ditore.
Kjo rrugë do të asfaltohet tek në vitin 2015. Këtë e ka bërë të ditur nënkryetari i Komunës, Xhemajli Haxhimustafa.
Ai këtë e ka arsyetuar me mungesën e mjeteve buxhetore. Ndërkaq,banorë fshati prej vitesh kanë kërkuar nga autoritetet komunale që t,u asfaltohet rruga,ngase sipas tyre çdo parti që ka ardhur në pushtet u kishte premtuar ndërtimin e rrugës.
Mirosllav Llukiq, banor fshati ka akuzuar komunarët se kërkesat e tyre nuk po realizohen karshi vendbanimeve tjera të kësaj komune.
Ndërkohë, nënkryetari Haxhimustafa, ka thënë qartë se në mungesë mjetesh financiare asfaltimi i kësaj rruge shtyhet për mot.