18.3 C
Prizren
E martë, 16 Shtator, 2025

Dhimbja

Skënder Berisha

Nganjëherë më ngjan se nuk e njoh
Pas bredhjeve vjen në tjetër trajtë
E lyer me tjera ngjyra
Si blerim i shkrryer
Si dritë e errësuar
Që përvidhet për të zënë vend në mua

Nuk e ndiej deri vonë
Kur ngryset mirë dhe fshihen yjet
Nis dhe e ndiej si endet
Se më dhemb
Kur rrëzohet

Tërbohet kur i gjen copat e veta të harruara
Shumëzohet me to
Rrit përmasat e veta
Fryhet e plas
Duke ushqyer klyshët

Nisi e ndiej në thellësitë e mia
Kur më dhemb
Them është ajo
E njëjta
Po ajo e vjetra

24 mars 2024

Më Shumë

Defekt në stacionin e pompave, disa fshatra të Prizrenit pa ujë të pijshëm

Kompania Rajonale e Ujësjellësit “Hidroregjioni Jugor” ka njoftuar se sot do të ketë ndërprerje të furnizimit me ujë të pijshëm në disa fshatra të...

Vreshtarët e Rahovecit ankohen për çmimin e ulët të rrushit të verës

Pavarësisht pasionit dhe trashëgimisë ndër breza për ta kultivuar rrushin, fermerët e Rahovecit thonë se zhgënjehen kur vjen puna e vjeljes, për arsye se...

Lajmet e Fundit