14.8 C
Prizren
E premte, 14 Qershor, 2024

Dhjetë thënie të njohura nga nobelistja Nadine Gordimer

Nadine Gordimer,Nadine Gordimer ishte fituesja e çmimit të parë “Nobel” për letërsinë në Afrikën e Jugut. Një firmë ligjore që përfaqëson vajzën dhe djalin e shkrimtares deklaroi se 90-vjeçarja u nda qetësisht nga jeta të dielën, në shtëpinë e saj në Johanesburg.

Ajo e mori “Çmimin Nobel” në letërsi në vitin 1991, çast që përkoi me një moment të shpresës dhe dhunës së madhe në Afrikën e Jugut. Gordimer ka shkruar dhe botuar deri në ditët e fundit të jetës së saj. Vepra e autores nga Afrika e Jugut është e përkthyer në pothuajse të gjitha gjuhët e botës. Sjellim 10 thënie të saj të njohura.

1. Asnjë fakt që shkruaj apo them nuk do të jetë aq i vërtetë sa trillimi.
2. Të shkruash është të kuptosh jetën. Njeriu punon gjithë jetën me shpresën se mund të ketë kuptuar një pjesë të vogël.
3. Kam dështuar në shumë gjëra, por kurrë nuk jam frikësuar.
4. Jam flaka e një qiriu që lëkundet nga rrymat e ajrit që s’mund të shihen.
5. Të gjithë përfundojnë një ditë vetëm dhe në kërkim të vetes.
6. Është më e thjeshtë për ish-padronët të lënë mënjanë maskat që fshehin humanitetin e tyre, sesa për ish-skllevërit të njohin fytyrën poshtë maskave. Apo të besojnë se ata nuk po mbajnë një maskë të re.
7. Njerëzit i dhurojnë njërit-tjetrit gjëra që s’mund të mbështillen me ambalazh dhuratash.
8. Censura nuk mbaron kurrë për atë që e ka përjetuar. Është një shenjë në imagjinatë që e ndikon individin që e ka vuajtur, përgjithmonë.
9. Nuk mund ta ndryshosh një regjim bazuar në dhembshuri. Duhet të jetë diçka më e fortë se aq.
10. Faktet janë gjithnjë më të pakta se ajo që ka ndodhur në të vërtetë.

Më Shumë

146-vjetori i Lidhjes së Prizrenit, pianistja Lule Elezi dhe Orkestra e Harqeve të Tiranës shkëlqejnë me performancën para prizrenasve

Pianistja Lule Elezi në shoqëri të Orkestrës së Harqeve të Tiranës të udhëhequr nga dirigjenti Oleg Arapi është kthyer në Prizren me një koncert...

“Ura e Fshajtë” në gjendje të keqe( Foto)

Gjendja te Ura e Fshajtë në rrugën Gjakovë – Prizren po alarmon qytetarët që frekuentojnë atë pjesë, të cilët janë ankuar në vazhdimësi se...

Lajmet e Fundit