Eusebio Di Francesco beson se ai i meriton lavdet për eliminimin e Barcelonës nga Liga e Kampionëve, edhe pse zakonisht fajësohet i pari kur skuadra e tij humbet.
Trajneri Di Francesco zgjodhi një ndryshim të lojës së ekipit, vendosjen me formacionin 3-4-2-1 dhe beson se ky ishte çelësi për të marrë një rezultat kaq pozitiv, me Nainggolan dhe debutuesin e Ligës së Kampionëve, Patrik Schick, që e mbështetën me përkushtim Edin Xhekon
“Kam marrë fajin për humbjet dhe disa fjalë të papëlqyeshme në mediat sociale, kështu që mund t’i marr edhe meritat për një fitore si kjo”, ka thënë Di Francesco për “Mediaset Premium”.
“E vërteta është se e bëra këtë zgjedhje për të krijuar më shumë gjerësi, për të lejuar më shumë kundërsulme dhe për të sjellë shpejtësi” deklaroi trajneri i skuadrës romake.