Abdullah V. Thaçi
Një ditë takova një plak
E pyta pa të keq,
Sa vite ke që je n’gurbet?!
Nuk e di sa ke ti?
Por, unë erdha njomak e tash jam tetëdhjet!
Ja ktheva me dashuri,
Po dukesh djali i ri!
Ma ktheu, u plaksh dhe ti.
Nuk e lash me kaq
Vazhdova i thash,
Me shëndet mirë je?
Mirë tha, por diku e kam një dhembje të fsheht
Që ma ndal frymën e s’më le të qetë
Sa ishim në robëri ëndërr e kishim lirinë,
E tash në liri na vranë edhe ëndërrën për jetë!Po të duket e trishtë…?
Por vetë ma kërkove ta dish!
Besoj tash e mësove diagnozën e sëmundjes që kam?!
Ajo që po më vret ngapak në secilën ditë!