Shkruan: Skender Berisha
Ta zë dorën pak përmbi dorë
e shkrehet dëshirë e zgjuar
për ty sa shumë e vonuar
dhe vjen e rritet orë pas orë
deri vonë deri vonë pa pardon
zgjim i vonë që s’perëndon
të dal e të dal anë për anë
pse di t’më mbash më mbanë
krejt prej flake ta pata thënë
bash atë fjalë moj atë fjalë
sa pa drojë në sy të sheshit
tash vjen prej meje jo prej vetit
nis e ngritesh prej zemrës zjarrit
pastaj dridhesh prej së parit
ditën për diell nxitur prej malli
shtrohesh urtaz si në muaj maji
15 prill 2015,Prizren