Edicioni i “DokuFest, do të mbahet nga 4-12 gusht në Prizren.
Nita Deda drejtoreshë e festivalit “Dokufest”, tha edicioni i 16-të të këtij festivali sjellë shumë risi.
‘Këtë vit kemi pasur 500 aplikime për vullnetarë. Është një mundësi dhe potencial për të punuar në “Dokufest”. Për ta është krenari”, tha ajo në emisionin e mëngjesit “Mirëmëngjesi Kosovë’, në Radio Televizionin e Kosovës (RTK).
Sipas saj 140 persona do të angazhohen si vullnetarë për të mbarëvajtur këtë festival që sot është bërë imazhi pozitiv i Kosovës.
Ajo tha se festivali “Dokufest”, është bërë pikë takim i kulturës botërore. Deda bëri me dije se do të ketë shuam aktivitete të ndryshme në kuadër të “DokuFest”.
Një imazh pozitiv të këtij festivali do të jenë edhe gazetarët e mediat e ndryshme të botës, që do të jenë në këtë festival. Sipas Dedës, shumë media e gazetarë janë akredituar për të bartur imazhin nga ky festival.