DokuFest ka hapur thirrjen për aplikim në projektin “Fabrika e të drejtave të njeriut: Bashkëpunimi i komuniteteve etnike përmes rrëfimit të tregimeve- Stories We Tell”, e financuar nga zyra e Bashkimit Europian në Kosovë, implementuar nga DokuFest.
“Stories We Tell” është një program trajnimi për prodhimin e 6 filmave të shkurtër dokumentar, nga ideja fillestare deri në realizimin e tyre të plotë. Autorët e filmave të përzgjedhur do të ftohen të marrin pjesë në një seri seminaresh dhe master klasash, pas së cilës atyre do t’u ofrohet një grant i plotë me pajisjet e nevojshme për prodhim të filmiave të tyre, si ndriçim, kamera dhe pajisje për montazhë. 6 dokumetanrë do të prodhohen përmes Qendrës së Prodhimit të Filmit- DokuFest. Dokumentarët e prodhuar do të shfaqen premierë në DokuFest 2015.
Programi targeton 18 filmbërës profesionist (regjisor / producent / inxhinierë të zërit) nga Kosova, Shqipëria, Maqedonia, Serbia, Kroacia, Bosnja e Hercegovina dhe Mali i Zi
Afati i fundit për dorëzimin është deri më 25 korrik 2014
ÇFARË ËSHTË E MBULUAR?
DokuFest do t’i mbulojë shpenzimet e udhëtimit për në Prizren, shpenzimet e akomodimit dhe kompenzim për shpenzimet e përditshme.
Pjesëmarrësit do të përdorin pajisjet e Qendrës së Prodhimit të Filmit-DokuFest, për t’i përfunduar filmat e tyre.
KUSHTET E PJESMARRJES:
Punëtoria do të zhvillohet në gjuhën angleze, kështu që pjesëmarrësit duhet të kenë njohuri të mirë të Gjuhës Angleze.
Çdo ekip (producent, regjisor, kinematograf, teknik i zërit), do të duhet të marrin pjesë në një seri të plotë të punëtorive dhe master klasave.
Projekti i dorëzuar duhet të jetë në fazën e hershme të zhvillimit.
Aplikanti mund të veprojë si një regjisor-producent në një projekti.
PËRZGJEDHJA E PJESËMARRËSVE:
Pjesëmarrësit e përzgjedhur do të ftohen në Prizren për të marrë pjesë në séance prezantimi (pitching) për të paraqitur idenë e projektit të tyre dokumentarë. Një panel i ekspertëve do të përzgjedh një maksimum prej 6 projekteve,me ekipin përkatës- regjisor /operator kamere/ teknik i zërit etj. (p.sh. max. 18 pjesëmarrës) në bazë të aplikacionit të paraqitur dhe prezantimit të tyre. /PrizrenPress.com/