19.8 C
Prizren
E diel, 26 Maj, 2024

DokuFesti fton qytetarët të krijojnë filma në Kino Prizreni

DokuFesti-fton-qytetarët-të-krijojnë-filma-në-Kino-Prizreni-659x320Festivali ndërkombëtar i filmit dokumentar në Prizren, DokuFest, fton entuziastët e filmit që të aplikojnë në edicionin e tretë të Kino Prizrenit,pjesë e Kino Kabaret, që mbahet nga 16 deri më 24 gusht në Prizren.

Të gjithë individët e përfshirë në film në mënyrë profesionale apo për rekreacion, kanë mundësinë të mblidhen bashkë, të realizojnë filma me buxhet të ulët, të cilët më pas shfaqen në kuadër të DokuFest-it.

Kino Kabaret ku bën pjesë edhe Kino Prizreni, është platformë botërore e krijuar në vitin 1999 me 60 degë, në të cilën kineastët mblidhen dhe brenda një periudhe të shkurtër kohore krijojnë një film kreativ dhe eksperimental.

Sipas njoftimit të DokuFest, për të qenë pjesë e kësaj lëvizje nuk kërkohet as përgatitje profesionale as përvojë në aktrim. Pajisjet, koha dhe talenti ndahen brenda grupit dhe përgjatë një jave intensive xhirohet filmi, i prodhuar pothuajse pa buxhet.

Në edicionin e kaluar të DokuFest-it në Kino Prizreni morën pjesë 22 pjesëmarrës, përfshirë këtu studentë nga Kosova, Shqipëria dhe Tetova. Nga programi dolën 12 filma të cilët u shfaqën edhe në DokuFest, edhe në festivale tjera botërore.

Afati i fundit për aplikim është 20 qershor 2014, ndërsa aplikimi online mund të bëhet në ueb faqen e DokuFestit.

Më Shumë

Rrufeja godet një shtëpi në Suharekë

Një shtëpi është përfshirë nga zjarri gjatë ditës së sotme në fshatin Nishor të Suharekës. Dyshohet se zjarri ka ndodhur si pasojë e goditjes së...

Fondacioni Golden Eagle ndan 5,000 euro për 18 vjeçarin nga Prizreni

Fondacioni Golden Eagle ndan 5,000 Euro për 18 vjeçarin nga Prizreni, Argjend Jonuzaj dhe bën ftesë për të gjithë shqiptarët që t’u dalin në...

Lajmet e Fundit