Drejtori i Arsimit në Prizren, Skënder Susuri ka konfirmuar se viktima e javës së kaluar dhe viktima e ditës së premte kanë qenë shoqe të klasës dhe nxënëse të shkollës së mesme të mjekësisë “Luciano Motroni” në Prizren.
“Për neve të dya rastet janë ngjarje të rënda dhe shqetësuese”, ka thënë Susuri.
Ai kërkon mobilizim të të gjithë mekanizmave për të mos ndodhur më raste të tilla.
“Ne bashkë me policin jemi në analizë të këtyre rasteve”, ka thënë Susuri.
Një nxënëse e shkollës së mesme të mjekësisë “Luciano Motroni”, ka kryer vetëvrasje në rrugën “Turgut Ozal” në Prizren.
Ajo është hedhur nga një ndërtesë.
Javën e kaluar një nxënëse e kësaj shkolle, pati bërë vetëvrasje.
Dy viktimat kanë qenë shoqe të klasës.
Rastet janë duke u hetuar nga Policia dhe Prokuroria në Prizren./PrizrenPress.com/