22.8 C
Prizren
E enjte, 18 Korrik, 2024

Drejtori i Spitalit të Prizrenit: Jam i lehtësuar

Drejtori i Spitalit të Prizrenit, Afrim Avdaj, shprehet i kënaqur që testet e 12 punëtorëve shëndetësorë të këtij institucioni, për COVID 19, kanë dalë negativ.

“Gjendja në Spitalin e Prizrenit është stabile. Jemi duke punuar me të gjitha kapacitetet”, tha Avdaj për TV Prizrenin.

Ai tha se ndjehet i lehtësuar, pasi testet e punëtorëve shëndetësor, kanë dalë negativ.

“I ftoj punëtorët shëndetësor që të kenë kujdes jo vetëm gjatë kontakteve me pacient, por edhe pas punës, sepse përgjegjësie e mjekut nuk është vetëm e tij. Ne duhet të ruajmë vetën që t’iu ndihmojmë të tjerëve”, shprehet ai.

Dymbëdhjetë punëtorëve shëndetësorë të Spitalit të Prizrenit, u është bërë testi i diagnostikimit për COVID 19 .

Rezultatet e tyre kanë dalë negativ, përjashtuar të një punëtori ndihmës, i cili ka dalë pozitiv.

Drejtori i Qendrës Rajonale të Shëndetësisë Publike në Prizren, Fadil Kryeziu, tha se testet e punëtorëve shëndetësor të spitalit janë bërë pardje.

“Ky është një lajm i mirë për shëndetësinë e Prizrenit”, tha Kryeziu për “PrizrenPress”.

Sipas tij, këto rezultate tregojnë se mjekët e Spitalit të Prizrenit, janë treguar të kujdesshëm në ruajtjen e shëndetit të pacientëve, por edhe të tyre./PrizrenPress.com/

Më Shumë

Vala e të nxehtit: Për 6 muaj, mbi 47 mijë qytetarë kërkuan ndihmë në QKUK – fluks në dy muajt

  Për gjashtë muajt e fundit, në Qendrën Klinike Universitare të Kosovës janë trajtuar mbi 47 mijë pacientë shkaku i temperaturave. Megjithëse, në dy muajt e...

Futbolli në zi, vdes portieri i Barcelonës

Portieri i ri i Barcelonës Guayaquil, Justin Cornejo, ka humbur betejën me jetën në orët e para të ditës së sotme i cili ishte...

Lajmet e Fundit