Deputetja e sapozgjedhur nga Lëvizja Vetëvendosje! në Prizren, Drita Millaku, ka komentuar konkursin e fundit për pranimin e mbi 60 infermierëve.
Ajo thotë se edhe ky konkurs ka qenë e llojit mafioz.
“Konkurse të tilla janë mafioze.Të tilla ka pasur çdo herë qeveria e PDK-së në Prizren”, tha Millaku.
Komuna e Prizrenit, dhe Caritas Kosova, së bashku edhe me dy institucione të tjera kanë hapur një konkurs për infermierë.
Konkursi është hapur në prag të zgjedhjeve të 11 qershorit.
Deputetja Millaku thotë se ky konkurs është hapur në kohën e zgjedhjeve për të zbutur hymbjen e PDK-së në Prizren.
“Ky konkurs është mënyra tjetër e blerjesë së votës”.
“Duke parë rezultatin e 11 qeshorit, PDK në Prizren, po mundohet që në mënyra ‘Grabovciane’ me e zubutë humbjen katastrofale që do ta pësojnë me 22 tetor”, shprehet Millaku/PrizrenPress.com/