Në rrugën “Brigada 123” në Suharekë, të dielën, janë arrestuar dy të dyshuar për mosrespektim të vendimit të Qeverisë së Republikës së Kosovës, për kufizim të lëvizjes me qëllim të mbrojtjes nga koronavirusi.
Një gjë e tillë është bërë e ditur përmes raportit 24 orësh të Policisë së Kosovës.Sipas raportit, me vendim të prokurorit të dyshuarit janë liruar dhe rasti shkon në procedurë të rregullt.
Të dielën ka ndodhur edhe një raportim në Stacionin Policor për dëmtim prone.Sipas raportit 24 orësh të Policisë, një ankues nga fshati Gjinoc, Komuna e Suharekës. ka raportuar se një i panjohur ka depërtuar me forcë në brendinë e objektit.Nuk raportohet për vlera të dëmit, ndërsa rasti thuhet se vazhdon të hetohet. /BetimipërDrejtësi