Pas shpërthimit në një impant industrial në Norfolk të Britanisë, raportohet të kenë vdekur dy persona dhe disa janë plagosur.
Tymi është parë të ngrihet lart nga kompleksi i kompanisë “Harford Attachment”.
Shërbimet e emergjencës kanë mbërritur në vendin e ngjarjes në Hellesdon.
“Besojmë se atje ka një numër viktimash dhe të plagosurish rëndë, edhe pse numri i tyre nuk është përcaktuar ende. Të gjitha shërbimet e emergjencës ndodhen në vendin e ngjarjes, ndërsa po mendohet edhe bllokimi i rrugëve dhe izolimi i zonës”, ka thënë një zyrtar i policisë lokale.
Ndërkaq mediat britanike njoftojnë se rrugët që të çojnë tek fabrika janë mbyllur për arsye sigurie.