Ish-kampioni i botës në peshën e rëndë në boks Evander Holyfield ka njoftuar se do të ngjitet në ring për meçe ekzibicionale për bamirësi.
Holyfield 57-vjeçar ka njoftuar për planet e tij për t’u rikthyer në boks në rrjetet sociale në mbrëmjen e të mërkurës.
“A jeni gati? Momenti për të cilin keni pritur të gjithë…kampioni po kthehet!” – ka shkruar Holyfield në Twitter. “Dua t’ju informojë se do të kthehem në ring. Do të bëjë meçe ekzibicionale për një kauzë të madhe #Unite4OurFight”.
Holyfield ka vazhduar më pas në Instagram duke treguar arsyet për kthimin në ring.
“Unë po stërviten për të promovuar një organizatë bamirëse që është shumë e afërt me mua. Kampanja ‘#United4OurFight’ ka synim për të mbushur zbrazëtinë e krijuar nga pandemia në qasjet ndaj resurseve që i duhen rinisë sonë për zhvillimin emocional dhe edukativ”.
Holyfield nuk ka boksuar që kur e mposhti me nokaut teknik danezin Brian Nielsen në vitin 2011.
Kur ishte në kulm, Holyfield ishte kampion i padiskutueshëm në peshën e rëndë në boks.
Vendimi i Holyfieldit për t’u rikthyer në ring për meçe ekzibicionale vjen vetëm pak ditë pasi që ish-kampioni dhe rivali i Holyfieldit, Mike Tyson ka njoftuar për të njëjtën gjë.