30.9 C
Prizren
E martë, 8 Korrik, 2025

Në Rahovec, Vehapi dhe Latifi në balotazh

Vehapi-LatifiIdriz Vehapi i PDK-së dhe Smajl Latifi i AAK-së në Rahovec do të shkojnë në balotazh, meqë, sipas rezultateve të para të shtabeve zgjedhore të këtyre partive politike, asnjë prej këtyre kandidatëve nuk ka arritur mbi 50 për qind të votave, njofton Koha Ditore.

Xhemajli Haxhimustafa, kryetar i shtabit zgjedhor të PDK-së ka thënë se Idriz Vehapi nga PDK-ja ka fituar 40 për qind, kurse Smajl Latifi i AAK-së 33.6 për qind të votave, i treti është Fahredin Shehu i LDK-së, me 21.79 për qind.

Mirëpo rezultate ndryshe ka dhënë Musa Cena, kryetar i shtabit të AAK-së, sipas të cilit Smajl Latifi ka fituar 33 për qind të votave, por pa votat e munguara të Apterushës, kurse kandidati Idriz Vehapi, sipas AAK-së ka fituar 35 për qind të votave.

Pa marrë parasysh ndryshimet në përqindjen e votave të këtyre dy shtabeve është më se e sigurt që kandidati i PDK-së dhe ai i AAK-së do të shkojnë në balotazh.

Më Shumë

Festivali Rock&Blues 2025 rikthehet fuqishëm në Prizren – falas për publikun

Rock&Blues Festival 2025 rikthehet në Prizren me edicionin më të madh deri më tani, duke sjellë tri net të mbushura me muzikë, energji dhe...

Korrje-shirjet vazhdojnë në Komunën e Rahovecit

Në Komunën e Rahovecit po vazhdojnë me intensitet të lartë korrje-shirjet, ndërsa autoritetet komunale po ndjekin nga afër punën në terren. Kryetari i Komunës, Smajl...

Lajmet e Fundit