Nën masa të sigurisë në komunën e Prizrenit ka nisur prerja e drunjve të vjetër në shëtitoren e Marashit.
Drunjtë, janë bërë shqetësim për kalimtarët dhe vizitorët që e shfrytëzojnë këtë pjesë të qytetit. Prerja e drunjve po bëhet pas inspektimit të inxhinierëve pyjorë.
Inxhinierët e pyjeve kanë inspektuar drunjtë në këtë zonë, duke parë rrezikshmërinë që paraqitet për kalimtarët.
Eliminimi i rrezikut është vetëm prerja e kontrolluar e drunjve të vjetër, në Marash dhe Parkun e qytetit, proces i cili po kryhet nën masat e sigurisë nga punëtorët e Ekoregjionit.
Një vit më parë stuhia e fortë rrëzoi një lis të tillë , duke i marrë jetën një 18-vjeçari.