Pas Amsterdamit, ka qenë Tel Avivi qyteti që ka mirëpritur Eneda Tarifën, këngëtaren që sivjet do ta përfaqësojë Shqipërinë në garën muzikore Eurosong Contest.
Tarifa mbrëmë ka kënduar “Fairytale” në Israel Calling, koncertin promovues ku mbi 20-të këngëtarë performuan dhe bashkëbiseduan me gazetarët.
Tarifa fillimisht nuk u pëlqye por duket se pas performancës në Amsterdam dhe asaj në Tel Aviv ajo po ngjitet në listën e favoriteve për finalen e Eurosong Contest. Me 12 maj do të shohim nëse ajo kualifikohet për në finalen e Eurosong 2016.
Tarifa mbrëmë ka marrë plot duartrokitje gjatë performancës së saj, ndërsa paraqitja e saj në Amsterdam para pak ditësh është videoja më e klikuar nga të gjitha performancat e koncertit Eurovision in Amsterdam.