Derisa i tërë shteti thuajse është futur në kollaps për shkak të neglizhencës së Gjykatës Kushtetuese, e cila tash e sa kohë nuk po merr vendim për çështjen e ligjshmërisë së zgjedhjes së isa Mustafës në postin e kryeparlamentarit, kryetari i kësaj Gjykate, Enver Hasani, gjen kohë që edhe të rrezitet në Ulqin.
Burime të Gazetës Blic kanë bërë të ditur se Enver Hasani është parë sot duke u rrezitur në qytetin e Ulqinit.
“Kryetari i Gjykatës Kushtetuese të Kosovës, Enver Hasani është parë në Ulqin për pushime”, ka thënë ky burim i Gazetës Blic, e cila sjell edhe foto të tij në plazh.
Gjykata Kushtetuese e Kosovës para disa javësh ka marrë vendim që ta suspendoj Isa Mustafën nga posti i kryetarit të Kuvendit, duke e bllokuar kështu edhe punën e institucionit më të lartë qeverisës në vend.
Ky vendim instancës më të lartë gjyqësore në vend kishte ardhur pas ankesës që e kishte bërë Partia Demokratike e Kosovës mbi ligjshmërinë e zgjedhjes së Isa Mustafës në krye të Kuvendit të Kosovës.
Në seancën konstituive të mbajtur më 17 korrikut Isa Mustafa ishte zgjedhur kryetar i Kuvendit të Kosovës, por që u kontestua nga PDK, e cila e dërgoi lëndën në Gjykatën Kushtetuese të Kosovës.
Më 21 gusht, ndërkaq, pritet që koalicioni LDK- AAK- Nisma të përballen me PDK-në për çështjen e zgjedhjes së Isa Mustafës në krye të Kuvendit të Kosovës.