Zëvendëskryeministri i vendit, Enver Hoxhaj, ka zgjedhur që këtë vikend të gjej frymëzim në malet e Sharrit për dallim se vikendeve tjera atë jemi mësuar ta shohim me libra në duar.
Hoxhaj përmes një postimi në llogarinë e tij në Facebook, ka shkruar se ka zgjedhur malet e Sharrit për shëtitje.
Përveç kësaj ai ka njoftuar se këtë ecje në male është duke e bërë para zgjedhjeve të brendshme në Partinë Demokratike të Kosovës (PDK).
“Shëtitje e këndshme në malet e Sharrit, para se të filloj me takimet e pasdites për zgjedhjet e brendshme të #PDK-së nëpër degët e partisë në qytete të ndryshme. Ngjyrat e vjeshtës janë absolutisht të mrekullueshme në këtë pjesë të Kosovës”, ka shkruar Hoxhaj.
Zëvendëskryeministri Hoxhaj ditëve të vikendit ka ndarë foto duke lexuar disa nga autorë botërorë filozof dhe politikanë. Ndër tjera ai ishte mburru se lexon 2-3 libra për një muaj. /Insajderi.com