Presidenti turk, Recep Tayyip Erdogan, deklaroi përpara një turme masive në Stamboll, se ai do e miratojë rikthimin e dënimit me vdekje nëse mbështetet nga parlamenti dhe publiku.
Të paktën një milion njerëz u mblodhën në qytetin më të madh turk në mbështetje të Erdogan, pas grushtit të dështuar të shtetit.
Erdogan tha se shteti do të pastrohet nga të gjithë mbështetësit e klerikut Fethullah Gulen.
Më shumë se 270 persona humbën jetën gjatë grushtit të dështuar të shtetit.
Mijëra përkrahës të dyshuar të Gulen janë arrestuar ose janë pushuar nga puna.
Perëndimi ka shprehur shqetësim për mënyrën se si ka reaguar qeveria ndaj grushtit të shtetit.
BE refuzon të pranojë dënimin me vdekje.