Me këtë pikëpyetje e nis shkrimin e saj agjencia e lajmeve “Al Jazeera”. Duke bërë një paralelizëm me Shqipërinë e viteve 1990 agjencia prestigjoze shkruan se Shqipëria ka një histori të ngjashme emigrimi, ndërsa mund ta gjejë veten së shpejti në qendër të krizës së refugjatëve në Evropë.
“Sot, situata politik në Shqipëri është stabilizuar disi, por pak më shumë se 100 km larg nga kufiri greko-maqedonase mijëra refugjatë kryesisht sirianë dhe irakiane vazhdojnë të vijnë. Mbyllja e rrugës ballkanike dhe përshpejtimi i krizës humanitare në Greqi ka detyruar njerëzit që të pyesin veten, nëse është Shqipëria e gatshme për të pritur një fluks emigrantësh. Terreni i vështirë në brendësi të kufirit shqiptar, me male, humnera, pyje të ndendur mund të jenë pengesë për emigrantët“, shkuran Al Jazeera.
“Ata vijnë me mijëra çdo natë, të veshur me rroba të leckosura, disa me fëmijë në krah. Duke sfiduar temperaturat nën zero ata ngjiten më këmbë nëpër terrenin me dëborë në malet e thepisura shqiptare. Raportimet për anijet me refugjatë siç po ndodh aktualisht, ishin të zakonshme në vitet ’90 në Shqipëri, ku mijëra shqiptarë pas rënies së diktaturës së Enver Hoxhës kalonin ilegalisht Adriatikun”, vijon shkrimin “Al Jazeera”.
Më tej agjencia e lajmeve Al Jazeera analizon edhe marrëveshjen e arritur mes BE dhe Turqisë, e cila parashikon që të gjithë refugjatët dhe emigrantët që arrijnë në ishujt grek do të kthehen në Turqi.
“Ndërkohë mbetet ende e paimagjinueshme që numri në rritje i refugjatëve në kufirin e Maqedonisë mund të kthehet në mbrapsht ose të mbetet thjesht një dëshirë e parealizuar për të arritur në vendet e dëshiruara të Evropës veriore“, vijon Al Jazeera.
Al Jazeera citon një përfaqësuese të UNHCR-së në Tiranë, Marie Verney, e cila thotë se pavarësisht se janë disa baraka ushtrie gati për emigrantët, ka mungesë stafi dhe burimesh.
“Ata thonë se kanë kazemra ushtarake në kufirin jugor, që janë gati për t’u përdorur si vende për strehim, por ato nuk janë të mjaftueshme, ka mungesë stafi dhe burimesh”, shkruan Agjencia e Lajmeve.
“Sipas vlerësimeve të UNHCR-së, 1,400 refugjatë kryesisht sirianë kaluan në Shqipëri në vitin 2014; në vitin 2015 ky numër ishte 2.600”, shkruan agjencia.
Al Jazeera mbyll shkrimin duke cituar kryeministrin Edi Rama: “Ne nuk kemi as kushtet, as forcën, as entuziazmin për të shpëtuar botën, ndërsa të tjerët mbyllin kufijtë e tyre”.