Estonezët lexojnë mesatarisht 13 minuta në ditë e finlandezët e polakët një minutë më pak. Ashtu sikurse edhe norvegjezët, hungarezët e kanë librin në dorë mesatarisht 10 minuta gjatë ditës.
Francezët lexojnë mesatarisht dy minuta në ditë, përderisa austriakët, rumunët pesë minuta e serbët, gjashtë, transmeton “Koha Ditore”.
Këto janë statistikat që ka nxjerrë një hulumtim i realizuar prej vitit 2008 deri më 2015, që ka përfshirë respondentë prej moshës 24 deri në 70-vjeçare nga 15 vende anëtare të BE-së, si dhe të Norvegjisë, Serbisë dhe Turqisë.
Hulumtimin e ka bërë shërbimi statistikor evropian “Eurostat” dhe e ka publikuar të hënën në Ditën Ndërkombëtare të Librit dhe të Drejtave të Autorit.