Viti i Ri po ofrohet. Të gjithë po përgatiten për këtë ngjarje.
Fabrika “Liri” është kujdesur për zbukurimin e Prizrenit.
Bredhi është vendosur në sheshin “Shatërvan”, i zbukuruar me drita të fundvitit.
Komuna e Prizrenit, ditë më parë, ka anuluar tenderin për dekorimin e qytetit, për festat e fundvitit.
Ajo, po e bënë zbukurimin në bashkëpunim me kompanitë private.
Në mesin e tyre është edhe Fabrika “Liri”.
“Pas të gjitha përgatitjeve të cilat i ka bërë Komuna e Prizrenit për realizimin e projektit për dekorimin e qytetit, gjatë procedurave tenderuese operatorët ekonomikë kanë bërë gabime të patejkalueshme ligjore dhe rrjedhimisht Komuna është obliguar që ta bëjë anulimin e tenderit”, thuhet në komunikatë të Komunës, shkruan “PrizrenPress”.
“Fatkeqësisht këtë vit nuk do të ketë dekorim të tenderuar nga Komuna e Prizrenit dhe mjetet të cilët janë paraparë nga ky kod buxhetor do të përdoren për shpenzimet të cilat i kanë dal të paplanifikuara Komunës së Prizrenit, për shkak të strehimit të qytetarëve të prekur nga tërmeti në Shqipëri”.
“Komuna e Prizrenit do ta bëjë dekorimin e qytetit në bashkëpunim me bizneset të cilat operojnë në Prizren”./PrizrenPress.com/ 