22.8 C
Prizren
E premte, 29 Mars, 2024

Ferrari përpara Mercedes në teste, i pari Red Bull

Në pistën e Sakhir në Bahrein u mbyllën testet dimërore në Formula 1, të vetmet në prag të sezonit 2021. Paraqitjen më të mirë dhe kohën më të shpejtë e dha Max Verstappen me Red Bull.

Ai ishte piloti i vetëm që zbriti nën 1’ 29” dhe makina austriake u duk vërtet në formë të shkëlqyer, duke lënë pas makinën Alpha Tauri dhe në vendin e tretë u rendit makina Ferrari e Carlos Sainz. I dhjeti u rendit Charles Leclerc me makinën tjetër Ferrari. Sërish probleme për Mercedes, vetëm i pesti me Lewis Hamilton.

Ndërsa Valtteri Bottas, me makinën tjetër Mercedes, u rendit në vendin e 16-të. Fernando Alonso, që rikthehet në pistë pas 2 vitesh pushim me Alpine, u klasifikua i nënti, ndërsa Mick Schumacher me Haas e mbylli në vendin e 15-të.

Këto teste evidentuan sërish probleme për Mercedes, që ende nuk duket gati. Lewis Hamilton deklaroi se duhen më shumë teste, pasi është e pamundur në 3 ditë të zbulosh cfarë nuk shkon me makinën që drejton. Probleme edhe për Sebastian Vettel me Aston Martin, që u klasifikua në vendin e 17-të. Tashmë pilotët do të bëhen gati për garën e parë sezonale, që nis javës tjetër, po në Bahrein, më 28 mars.

Më Shumë

Kërkohet ndihmë financiare për 48-vjeçaren nga Prizreni, duhet të bëjë transplant të veshkës

48-vjeçarja Bedrije Dullaj nga Komuna e Prizrenit ka nevojë për ndihmën e qytetarëve. Bedrijes i duhet të bëjë transplant të veshkës. Operimi duhet të bëhet...

Parandalohet gara ilegale e shpejtësisë në autostradën “Dr. Ibrahim Rugova” (FOTO)

Njësia për Kontroll të Autostradave në kuadër të planit operativ “Parandalimi i garave ilegale të shpejtësisë”, sot në autostradën ”Dr. Ibrahim Rugova“ në Trudë...

Lajmet e Fundit