25.8 C
Prizren
E hënë, 17 Qershor, 2024

Festa e Ullirit, Kadare “humb” titullin “Fisnikëria e qytetit të Durrësit”

Ismial_KADAREBashkia e Durrësit dhe shoqata “Durrësi”, në 16-vjetorin e Festës së Ullirit, ka nderuar me titujt “Nderi i qytetit të Durrësit” tre prej biznesmenëve të parë. Bëhet fjalë për Shpëtim Prodanin, Zabit Mudën dhe Agim Islamin. Titujt e nderit së bashku me nga një dhuratë iu dorëzuan fëmijëve të inxhinier Shpëtim Prodanit, dhe dy biznesmenëve ndërtues, Mudës dhe Islamit, nga kryebashkiaku Vangjush Dako. Në ceremoninë e zhvilluar në Pallatin e Kulturës pati një interes të jashtëzakonshëm nga qytetaria durrsake dhe intelektualët, pasi në ceremoni ishte planifikuar edhe pjesëmarrja e nderimi i shkrimtarit të madh, Ismail Kadare me titullin “Fisnikëria e Qytetit të Durrësit”.

Nderimi i Kadaresë ishte i pari në listën e ndarjes së çmimeve, por emri i shkrimtarit, nuk u përmend nga moderatori dhe as nga personalitetet që u ngjitën në skenë. Çmimi i akorduar për Kadarenë nga shoqata dhe Bashkia Durrës, nuk u dha.

I pyetur nga “GSH” për mosdhënien e çmimit, organizatori i aktivitetit, sekretari i shoqatës “Durrësi”, Shpëtim Metani tha se: “Kontaktuam me botuesin e Kadaresë në Tiranë, i cili u shpreh që nuk mundet të vijë se është i sëmurë; mbase nuk e kanë lajmëruar fare. Për këtë nuk iu dha as çmimi, pasi nuk pati asnjë të afërm prej tij. Ndoshta ishte gabim teknik nga ana jonë që nuk e përmendëm gjatë ceremonisë, por kur Kadare të vijë në Tiranë, ne do të organizojmë një ceremoni për t’i dhënë titullin e propozuar”.

Më Shumë

Vetëvendosje me aktivitete për nder shënimit të 81-vjetorit të lindjes së Ukshin Hotit

Lëvizja Vetëvendosje ka organizuar disa aktivitete për nder të ditëlindjes së intelektualit, Ukshin Hoti. Në ora 10:00 do të organizohet vizitë te shtëpia muze e...

Limaj merr pjesë në inaugurimin e “Kalasë së UÇK-së” në Prizren

Fatmir Limaj, kryetari i Nismës Socialdemokrate, mori pjesë në inaugurimin e kompleksit "Kalaja e UÇK-së" në Arbëri të Vërrinit në Prizren. Në këtë ceremoni...

Sot nis Euro 2024

Lajmet e Fundit