Filharmonia e Kosovës të dielën do të organizoi koncertin e radhës në sallë ne Kuqe të Pallatit të Rinisë.
Kjo mbrëmje koncentrate me orkestrën simfonike të Filharmonisë së Kosovës, sipas drejtorit të Filharmonisë, Baki Jashari, realizohet në bashkëpunim me festivalin e muzikantëve të rinj DAM-Festival që rregullisht sjell në skenë artistë të rinj e të talentuar nga bota, vendet evropiane por edhe solistë të dalluar shqiptar.
Jashari tha se programi koncentrat premierë edhe kësaj radhe është mjaftë i larmishëm dhe atraktiv për publikun kosovar duke sjell veprat e kompozitorëve Edavrd Grieg, Johannes Brahms dhe Pyotor I. Tchaikovsky.
Fillimisht në koncert do të dëgjohen në pjesën e parë për piano dhe orkestër në a-mol të kompozitorit norvegjez të epokës së romantizmit muzikor Edvard Grieg, ku soliste do të jetë pianistja e gjeneratës së re, tetëmbëdhjetë vjeçarja Nita Grubi e cila vitin e kaluar u shpall edhe fituese e garave ndërkombëtare “ Pianisti i ri 2013”.
Më pas në skenë do të paraqitet violinisti shqiptar nga Maqedonia Xhafer Xhaferi, i cili edhe ky është fitues i disa çmimeve ndërkombëtare por edhe pjesëmarrës i shuam festivaleve evropiane.
Koncerti do të përmbyllet me veprën grandioze – Simfonia nr 6 të kompozitorit P.I. Tchaikovsky dhe do të drejtohet nga dirigjenti permanent i Filharmonsië së Kosovës z. Toshio Yanagisaëa që tashmë është i mirënjohur nga audienca kosovare jo vetëm si dirigjent i suksesshëm , por së fundi edhe si promotor i donacionit tejet të rëndësishëm japonez për furnizime institucionit tonë me instrumente të reja që do të përdoren tash e tutje në koncertet e Orkestrës Simfonike të Filharmonisë së Kosovës”, ka thënë Jashari.
Nita Grubi pianiste që do të përformoi të dielën është shprehur e lumtur që do të jetë pjesë e këtij koncerti.
“Së pari falënderoi DAM festivalin që na dha mundësinë edhe neve pianistëve nga Maqedonia që të marrim pjesë kjo shkoi në kuadër të marrjes së çmimit Pianisti i Ri ku mu dha mundësia të luaj në orkestër dhe kështu me profesoreshën Danica Stojanova në Shkup vendosëm që të zgjedhim kohë ne parë të koncertit të Grieg në a-mol, besoi që është mundësi shumë e mirë për të gjithë që të kemi një përvojë që të luajmë me filharmoninë e Kosovës duke i pasur parasysh gjitha sakrificat që janë krijuar për të formuar një institucion të tillë”, ka thënë ajo.
Zyrtarë të Filharmonisë së Kosovës kanë paralajmëruar edhe koncerte të tjera në muajt e ardhshëm.