Një film i ri për Kurt Cobainin, i shtohet listës së gjatë të dokumentarëve për muzikën rok. Por çfarë e bën atë më të dalluar se të tjerët?
Dokumentari i ri me titull “Montage of Heck” që më 4 maj do të debutojë para publikut amerikan dhe në kinematë mbarëbotërore, në fakt nuk është dokumentar sipas kuptimit tradicional të fjalës. I mungon perspektiva kulturore, sikurse elemente që do të përshkruanin mënyrën sesi u zhvillua Cobaini si muzikant dhe se si ai u bë ikonë i një brezi të tërë. Ky film më shumë ka karakter studiues, një psikodramë, i treguar nëpërmjet arkivit të shënimeve dhe shiritave filmikë të yllit të vetëvrarë të muzikës rok.
Shtatë intervistat e filmit – që të gjitha dedikuar Cobainit –shtjellojnë vetëvrasjen e tij më 1994 dhe tentojnë ta gjejnë shkakun që çoi atë drejt vetëvrasjes.