Fituesi i tenderit për ndërtimin e teleferikut për në Kalanë e Prizrenit pritet të shpallet këtë javë. Informacionin e ka bërë publik zëdhënësi i Komunës Ymer Berisha.
“Nga informacionet që i kam nga zyra e prokurimit, besojmë që operatori ekonomik fitues do të del këtë javë. Komisioni që e bënë përzgjedhjen do ta bëjë publik kush është fitues i tenderit dhe do ta mbajmë të informuar opinionin për fituesin e tenderit pastaj do të vazhdohet me realizim të projektit” tha Berisha.
I pyetur për dyshimin e shprehur të LDK-së për kurdisjen e tenderit, zëdhënësi Berisha tha se LDK nuk duhet të ia lejojë vetes të dalë me deklaratë politike për një politikë të caktuar publike.shkruan gazetaere.
“Teleferiku dhe të gjitha projektet që realizohen nga Komuna kanë veç një rrugëtim, atë ligjor. Nuk ka rrugëtim politikë ose diskrecion të vullnetit të individitt apo lidershipit prandaj LDK e ka të gabuar këtë informim”, tha Berisha.