Ish-këshilltari i LDK-së në Prizren, Ridvan Hoxha deri më tash ka arrit t’i fitojë tri raste në gjykatë kundër pushtetit të Prizrenit. Ai beson se do të fitojë edhe rastin e katër të akuzuarve- zyrtarë komunalë e asamblistë në këtë qytet.
“Duke besuar në drejtësi unë vazhdoj deri në fund me faktet dhe argumentet në të cilat asnjëherë deri me tani nuk kam dështuar”, ka treguar Hoxha në Facebook.
Rasti i parë që ka fituar Hoxha tregon se ka qenë kthimi i 38-të drejtorëve në punë në vitin 2009, të cilët ishin larguar politikisht para kohe.
“Rasti i dytë ka qenë i kryetarit Muja e zyrtarëve tjerë,kurse rasti i tretë ka qenë kthimi i bashkëshortes sime në punë”.
Hoxha beson se edhe rastin e katër i cili është në fazën fillestare në Gjykatën Themelore në Prizren, do të fitojë përballë pushtetarëve e përfaqësuesve të qytetarëve.
“Unë vazhdoj të jem në luftë kundër së keqës e krimit të organizuar”./PrizrenPress.com/