Qeveria franceze po vendos një shtetrrethim në dy të tretat e vendit nga e premtja në mbrëmje për gjashtë javë, pas një rekordi prej 41 mijë e 622 infeksionesh të reja me koronavirus brenda një dite.
Totali i të infektuarve tani ka kaluar një milion.
Në Evropë, vetëm Spanja dhe Rusia e kanë arritur atë. Një javë më parë, ora e hyrjes në mbrëmje u prezantua në Paris dhe tetë qytete të tjera franceze.
Tani 38 zona të tjera do të kenë shtetrrethim nga ora 21:00 deri në 06:00, transmeton rtv21.tv.
Pjesa më e madhe e Evropës ka rritje të infeksioneve. Sllovakia do të vendosë një bllokim të pjesshëm për një javë nga e shtuna, duke lejuar vetëm udhëtime në punë, pazar për gjërat e domosdoshme dhe shkollë për fëmijët më të vegjël.
Bllokimet e reja kanë hyrë në fuqi në Republikën Çeke dhe Republikën e Irlandës. Ka gjithashtu norma të larta infektimi në Belgjikë, Spanjë dhe Itali, duke vënë nën presion të madh shumë spitale.