Banorë të fshatit Planejë, gjegjësisht të lagjeve të fshatit Kasolli, Vorfaj, Maloki e Biraj, komuna e Prizrenit, kanë bërë thirrje për ndihmë nga institucionet pasi, siç raportohet, kanë mbetur të ngujuar nga bora që ka rënë ditëve të fundit.
Siç njoftojnë banorët nga atje, mësohet se këto lagje nuk kanë as rrymë që 5-6 ditë, as ujë të pijshëm, e madje edhe bunarët (puset) janë të ngrira, raporton Koha.net.
“Ju lutemi shpërndajeni urgjent këtë lajm sepse është gjendje kritike… Sipas banorëve, gjendja është lajmëruar në institucionet e Prizrenit mirëpo përgjigjja e tyre ka qenë diskriminuese dhe e turpshme “Ejani blini shpija në Prizren”. Kjo ishte përgjigjja e punëtorëve përgjegjës”, thuhet në kërkesën e këtyre lagjeve drejtuar institucioneve për ndihmë.