Kandidati i PDK-së për kryetar të Prizrenit, Ramadan Muja nuk ka pranuar që të marrë pjesë në debatin “Jeta në Kosovë”. Zëdhënësi i LDK-së, Nderim Gashi tha se Muja nuk ka guxim të ballafaqohet me Eqrem Kryeziun.
“ Ramadan Muja po vazhdon të sillet si pasha me pronën komunale, ndërsa po dëshmohet se nuk e ka asnjë përgjegjësi para qytetarëve të cilëve ua kërkon votën. Ai përpos që nuk i është përgjigjur ftesës së Jeta Xharrës për debat, ka shkuar edhe më larg, duke mos lejuar që emisionin i saj të incizohet në ambientet e Kuvendit Komunal”.
Sipas tij, të gjitha debatet Jeta Xharra i mban në ambientet e Kuvendeve Komunale, por në rastin e Prizrenit, Ramadan Muja, pos që ka frikë ballafaqimin me kandidatin e LDK-së, nuk po e lejon mbajtjen e inqizimit të emisionit të saj në ambientet e Kuvendit Komunal.
“Këto janë shenja të totalitarizmit, kur prona komunale shndërrohet në pashallëk klanor e personal. Edhe në rastin e incizimit të emisionit të Jeta Xharrës Ramadan Muja sillet sikur hapësirat e Kuvendit Komunal të jenë pronë e familjes së tij, si të ishte pashallëk i tij”
“Me këtë veprim kryetari ne ikje mundohet t’i fsheh me vendime ta paligjshme dhe të pamoralshme, duke krijuar presedan të rrezikshëm”
“Ramadan Muja, gjatë gjithë mandatit të tij me pronën e Kuvendit Komunal është sjellë si me pronën e tij private, dhe hapi i tij i fundit i moslejimit të incizimit të emisionit të jeta Xharrës në hapësirat e Kuvendit Komunal, është klithje e tij e fundit,, është panik që dëshmon se ai është para ikjes së tij të turpshme nga hapësirat e Komunës”/PrizrenPress.com/