Policia e Kosovës ka njoftuar se në fshatin Korishë të komunës së Prizrenit njësitë për dominim të FSK-së kanë tërhequr pa pasoja disa granata dore, të groposura afër vendbanimit.
Në raportin e sotshëm të Policisë së Kosovës theksohet se për ekzistimin dhe vendndodhjen e tyre kishte raportuar një mashkull, K/shqiptar. “Në fushë, në afërsi vendbanimit, në një gropë gjenden disa granata dore”, kishte raportuar ai.
Ndërkohë, njësitë policore kanë bërë sigurimin e vendngjarjes, ndërsa njësiti për deminim i FSK-së ka bërë tërheqjen e mjeteve në mënyrë të sigurt, pa incidente, thuhet në raport.