12.8 C
Prizren
E diel, 2 Tetor, 2022

Gjermania mbështet zbatimin e plotë të marrëveshjes

Edita TahiriVendimi i BE-së për hapjen e negociatave me Kosovën për Marrëveshjen Stabilizim Asocim ka një rëndësi të madhe, sepse tashmë zyrtarisht është konfirmuar ardhmëria e sigurt e Kosovës në Bashkimin Evropian. Kështë është shprehur zëvendëskryeministrja Edita Tahiri gjatë vizitës që zhvilloi në Gjermani nga 15 deri më 19 tetor, e ku zhvilloi një varg takimesh në Qeverinë gjermane dhe në Bundestag.

Zëvendëskryeministrja Edita Tahiri në Ministrinë e Jashtme të Gjermanisë, u prit nga sekretarja e shtetit Emily Haber. Tahiri njoftoi për progresin e arritur në Kosovë duke theksuar përkushtimin e Qeverisë së Kosovës për reformat në të gjitha fushat, me prioritet për sundimin e ligjit, zhvillimin ekonomik dhe mirëqenien për gjithë qytetarët. Tahiri vlerësoi rezultatet e arritura në rritjen e numrit të njohjeve për Kosovën si dhe progresin e arritur në rrugën e integrimit në BE dhe NATO.

Nga ana e saj, Sekretarja gjermane e shtetit, Emily Haber vlerësoi progresin e arritur në Kosovë ndërsa premtoi se Gjermania do të vazhdojë mbështetjen e fuqishme për zhvillimin e shtetit të Kosovës dhe perspektivën e saj evropiane. Ajo inkurajoi udhëheqjen e Kosovës që të vazhdojë angazhimet për forcimin e shtetit dhe perspektivës së qytetarëve të Kosovës, duke theksuar rëndësinë e mbarëvajtjes së zgjedhjet lokale në Kosovë sipas standardeve demokratike.

Gjatë këtij takimi u vlerësua se Marrëveshja për normalizimin e marrëdhënieve mes Kosovës dhe Serbisë është qenësore për paqen dhe stabilitetin në rajon dhe për perspektivën evropiane të të dyja shteteve. Sekretarja gjermane Haber theksoi se Gjermania mbështet zbatimin e plotë të Marrëveshjes së Brukselit mes dyja shteteve, dhe kërkon qëndrim konsekuent të palëve në përmbushjen e obligimeve zbatuese.

Zëvendëskryeministrja Tahiri, gjatë qëndrimit në Gjermani zhvilloi takime të veçanta edhe me deputetët e Bundestagut gjerman dhe mori pjesë në Konferencën e Institutit Aspen dhe seminarin për Kosovën të organizuar nga Akademia Evropiane në Berlin.

Më Shumë

SBAShK-u shqyrton mundësinë e ndërprerjes së grevës

Në takimin e ardhshëm të anëtarësisë se SBASHK-ut, pritet të diskutohet mundësia e ndërprerjes së grevës, kanë bërë të ditur drejtues të kësaj sindikate....

Ballkani mposhti Malishevën

Skuadra e Ballkanit e mposhti Malishevën me rezultat 3-2, në ndeshjen e mbetur të javës së parë në Superligën e Kosovës në futboll. Malisheva befasoi...

Bota sot

Lajmet e Fundit