Gjermania ka shpalosur planet për të përshpejtuar procesin e azilit, pasi koalicioni qeverisës ka zgjidhur mosmarrëveshjet në lidhje me këtë çështje.
Kancelarja Angela Merkel ka thënë se vendi i saj do të krijojë pesë qendra të veçanta për azilkërkues që vlerësohet se kanë pak shanse për të qëndruar.
Këto qendra do të përfshijnë migrantët që vijnë nga vende që cilësohen të sigurta dhe ata që refuzojnë të bashkëpunojnë.
Demokristianët e Merkelit dhe partnerët e vegjël të koalcionit janë grindur disa javë për këtë çështje.
Gjermania pret së paku 800,000 azilkërkues këtë vit.
Të enjten, Komisioni Evrpian ka thënë se tre milionë migrantë pritet të arrijnë në Evropë në periudhën 2015-2017.
Në Evropë këtë vit kanë arritur rreth 760,000 migrantë, shumica nga Siria, Afganistani, Iraku dhe Afrika.