Rreth orës 11:30 minuta, policia në Prizren ka gjetur një mjet eksplodues (granatë dore) në një deponi mbeturinash.
Ky mjet shpërthyes sipas hetimeve të policisë ka ardhur nga kamioni i cili mbledh mbeturinat, por që më parë në atë kamion ishte hedhur nga një grua e moshuar.
Njësiti kundër mjeteve eksplozive ka nisur me kontrollimin e vendit ku janë hedhur mbeturinat për ta gjetur dhe shkatërruar mjetin e rrezikshëm.
Drejtoria Rajonale e Policisë në Prizren bën apel tek të gjithë qytetarët të cilët bien në kontakt me mjete të rrezikshme luftarake që ato mos t’i prekin por ta informojnë policinë.