Një ditë pas hyrjes në fuqi të kontratës kolektive, shumë punëtorë të administratës të Universitetit të Prishtinës në shenjë pakënaqësie për pagën që marrin, kanë hyrë në grevë.
Ata kohë më parë i kanë dërguar një listë kërkesash në rektorat ku njëra prej kërkesave të tyre është edhe që të caktohet statusi i tyre meqë ende nuk e dijnë nëse janë staf civil apo administratë.
Kërkesa kryesore ishte për zgjidhjen e statusit të Shërbyesve të Administratës së Universitetit të Prishtinës, rritja e pagës në bazë të koeficientit që kanë dhe punës që kryejnë në krahasim me degët e tjera të UP-së që gjenden jashtë Prishtinës
Njëri prej organizatorëve të kësaj greve, ka thënë për Indeksonline se greva do të vazhdojë deri në realizmin e kërkesave.
“75% të punonjësve të UP-së i kemi bërë nënshkrimet lidhur me këtë grevë, dhe se do të vazhdojmë deri sa të realizohen kërkesat e tona”, ka thënë ai. /Indeksonline/