Policia e Kosovës është në kërkim të një 15-vjeçareje dhe të një 25-vjeçari në Prizren, me dyshimin për veprën penale “bashkëjetesë me personin nën moshën 16-vjeçare”.
Sipas njoftimit policor të martën, nëna e së miturës raportoi tek autoritetet, se vajza është fejuar para tre muajsh me të dyshuarin, ndërsa familjet ishin marrë vesh që martesa të mos bëhej para se vajza ta arrijë moshën madhore.
Rasti aktualisht është duke u hetuar.
“Ankuesja, kosovare, raportoi se vajza e saj e mitur, 15-vjeçare, para 3 muajsh ishte fejuar me të dyshuarin kosovar, 25-vjeçar, me familjen e të cilit kishin marrëveshje që martesa të mos bëhej para se vajza të arrijë moshën madhore. Ndërsa i dyshuari ka marrë vajzën e ankueses dhe nuk dihet vendndodhja e tyre. Rasti është nën hetime”, thuhet në njoftimin policor.