21.8 C
Prizren
E premte, 29 Mars, 2024

Haga uli dënimet e të burgosurve serbë

Haga-te burgosurit serbeTribunali Ndërkombëtar për Krime Lufte në Hagë, uli sot dënimet për tre ish-zyrtarë të lartë serbë, që ishin shpallur fajtorë për krimet e kryera ndaj shqiptarëve të Kosovës në vitin 1999.

Ish-nënkryetari i Qeverisë jugosllave Nikola Shainoviq, gjeneralët e ish-Ushtrisë jugosllave, Nebojsha Pavkoviq e Vlladimir Lazareviq, si dhe ish-gjenerali i policisë serbe Sreten Lukiq, ishin dënuar në shkurt të vitit 2010 më nga 15 deri 22 vjet heqje lirie, për fushatën e vrasjeve, torturave dhe dëbimit masiv të shqiptarëve të Kosovës gjatë vitit 1999.

Nikola Shainoviqit, i cili ishte dënuar me 22 vjet heqje lirie, gjykata sot ia uli dënimin në 18 vjet. Sreten Lukiqit në 20 nga 22 sa ishte dënuar fillimisht dhe Vladimir Lazareviqit, nga 15 në 14 vjet heqje lirie.

I pandryshueshëm mbeti dënimi prej 22 vjetësh për ish-gjeneralin Nebojsha Pavkoviq.

Në aktakuzën e njëjtë, kishte qenë i përfshirë edhe ish-presidenti i Serbisë Milan Millutinoviq, i cili ishte shpallur i pafajshëm, ndërsa ish-shefi i ushtrisë serbe Dragolub Ojdaniq, ishte liruar vitin e kaluar, pasi kishte mbajtur dy të tretat e dënimit prej 15 vjetësh.

Vendimi i sotëm i Gjykatës së Hagës, nxiti zemërimin e familjarëve të personave të zhdukur gjatë luftës në Kosovë.

Kryetarja e organizatës “Thirrjet e Nënave” në Gjakovë, Nesrete Kumnova, ka thënë se me këtë vendim është shkelur populli i pafajshëm shqiptar. “Në vend që t’u rritet dënimi për shkak të gjenocidit të bërë ndaj popullatës së pafajshme shqiptare, me mbi 15 mijë të vrarë, 6 mijë qytetarë të zhdukur dhe me mbi 20 mijë femra të dhunuara, ata e zvogëlojnë dënimin”, është thënë në reagimin e saj, shkruan Epoka e re.

Më Shumë

Viniciusi i përlotur: Gjithnjë e më pak po e ndjej futbollin

Anësori brazilian, Vinicius Jr, ka thënë se çdo herë e më pak po e ndjen lojën e futbollit për shkak të sulmeve raciste që...

Antidroga me aksion të madh në Prizren dhe Gjakovë, sekuestrohen kokainë e armë

Njësia e Antidrogës së Policisë së Kosovës është duke zhvilluar sot një aksion në rajonin e Prizrenit dhe Gjakovës, raporton Gazeta Sinjali. Mëson se gjatë...

Lajmet e Fundit