Katër persona të dyshuar për vepra penale janë arrestuar nga policia në Prizren.
Zëdhënësi i PK-së në Prizren, Hazir Berisha tha se policia në bashkëpunim me Prokurorinë, pas një hetimi disamujor,ka arrestuar me 21 janar, të dyshuarin S.Guraj(1971) nga fshati Kosavë i Komunës së Dragashit, i dyshuar për tri vepra penale.
“I arrestuari dyshohet për tri vepra penale:keqpërdorim seksual,mashtrim dhe posedim të armëve pa leje”.
Gjatë bastisjes së shtëpisë së të dyshuarit janë gjetur disa armë.
Kryeprokurori Sylë Hoxhaj, tha ndërkaq se I dyshuari S.G , akvitetin e tij të kundërligjshme e kishte zhvilluar gjatë vitit 2013.
“Viktima të tij kryesisht kanë qenë persona të gjinisë femërore,të cilëve i dyshuari i’u kishte premtuar rregullim të dokumentacionit për migrim jashtë shtetit duke i’u marr shumë të konsiderueshme të të hollave”, transmeton TV Prizreni.
Zëdhënësi i Policisë në Prizren ,kapiteni Hazir Berisha, po ashtu njoftoi se gjatë ditës së sotme është kryer një bastisje nga policia në një shtëpi në fshatin Krushë e Vogël si dhe dy të tjera në lagjen ‘Arbana’ të Prizrenit.
“Pas bastisjes së shtëpisë policia ka ndalur në mbajtje tre persona të cilët dyshohen se janë të përfshirë në veprën penale të kontrabandës me armë”.
“Gjatë bastisjeve në këto dy lokacione janë gjetur dhe sekuestruar nga policia 3 pistoleta të llojit Crvena Zastava dhe një tjetër e llojit ‘Ekoll Tuna’ si dhe qindra fishekë”. /PrizrenPress.com/