Komisioneri i Bashkimit Evropian për Politikë të Fqinjësisë Europiane dhe Negocim të Zgjerimit, Johanes Hahn tha në Bruksel se kosovarët po ikin nga mjerimi e jo nga mos liberalizimi i vizave.
Deklarata e tij u bë në transmetuesin publik RTK.
Ai tha para gazetarëve nuk pajtohet me qeveritarët në Kosovë se mungesa e lëvizjes pa viza për në Evropë është shkaktari i migrimit.
Sipas Hahn qeveria në Kosovë e ka për obligim që të fokusohet në zhvillimin ekonomik ndërsa tha se në këtë aspekt nuk do mungojë as ndihmat financiare për zhvillimin e ekonomisë.
Sipas tij Kosova do të ndihmohet me 660 milionë euro e që një pjesë e tyre do të ndahen për stimulimin e ekonomisë.