Kalimi i pragut të derës së drunjtë në Hamamin e Gazi Mehmed Pashës në Prizren me vete sjell një pamje befasuese për vizitorët e jashtëm.
Në pjesën e parë të brendshme të këtij monumenti të mbrojtur ka të mbathura të llojeve e ngjyrave të ndryshme, të ekspozuara për shitje, pothuajse në të gjitha këndet e kësaj hapësire, shkruan sot Koha Ditore.
Ndërsa në pjesën pasuese të objektit kulturor, fustanet e llojeve dhe të ngjyrave të ndryshme janë të varura, derisa veshjet e llojllojshme në formë të shtruar janë në shitje.
Me praninë e konsumatorëve vendorë të interesuar për këto produkte, në dy dhomat e mëdha të Hamamit krijohet imazhi i një “dyqani të madh” apo “mini-tregu” të veshmbathjeve.
