2.8 C
Prizren
E mërkurë, 29 Nëntor, 2023

Hamami i Prishtinës po restaurohet, shumë shkelje

Hamami i prishtinesPas 6 vitesh punë, me ndërprerje të shpeshta, ruajtja dhe restaurimi në Hamamin e Prishtinës, më në fund, ka arritur në fazën e suvatimit final.

I shoqëruar me pezullime të punës dhe debate, në lidhje me cilësinë e punimeve, as edhe në këtë fazë të punës, nga jashtë nuk vërehen elementë të kulturës otomane, së cilës i takon ky monument historik i shekullit të 15-të.

Në kohën kur ekipi i Top Channel vizitoi Hamamin, përveç punëtorëve që suvatonin, nuk takoi asnjë zyrtar, mbikqyrës apo ekspert të kësaj fushe.

Drejtoresha e Këshillit për Trashëgimi Kulturore të Kosovës, institucion i themeluar nga Kuvendi i Kosovës, Gjejlane Hoxha, duke e konsideruar si shqetësuese gjendjen momentale të Hamamit të Prishtinës, akuzon Departamentin për Trashëgimi Kulturore në Ministrinë e Kulturës, Rinisë dhe Sportit, se në gjithë këtë projekt ka shkelje të mëdha ligjore, kryesisht në aspektin arkitektonik.

Por, drejtoresha për Trashëgimi Kulturore në Ministrinë e Kulturës, Rinisë dhe Sportit, u shpreh e kënaqur me punën e deri tanishme, e cila – sipas saj – po inspektohet dhe menaxhohet nga një komision profesional.

Ndërprerja e punimeve, për herë të fundit, ndodhi më 7 shkurt 2013, nga Ministria e Kulturës, Rinisë dhe Sportit, për shkak të analizave të llaçit të vjetër, që ka qenë aty, dhe llaçit të ri, i cili u vendos në muret e objektit, dhe me përmirësimin e kërkesave të komisionit, sipas zonjës Aliu, rifilluan punimet, për të cilat ende nuk dihet koha e përfundimit.

Më Shumë

Dërgesat e mërgatës deri në muajin tetor arrijnë në 1.2 miliard euro

Një miliard e 11.9 milionë euro është vlera e dërgesave nga mërgata deri në muajin tetor 2023, gjë që paraqet rritje prej 10.9 për...

Përfundon seanca ndaj dy të arrestuarve, kështu dyshohet se i ndihmuan grabitësit e argjendarisë në Suharekë

Ka përfunduar senca gjyqësore ndaj Albin Beqirit dhe Fatmir Tahirit, dy prej tre të arrestusrve për grabitjen e armatosur në Suharekë. Sipas dosjes së Prokurorisë,...

Lajmet e Fundit