Dy liderët opozitarë, Ramush Haradinaj dhe Fatmir Limaj, e konsiderojnë arritje për Kosovën mosvotimin e Gjykatës Speciale.
Lideri i AAK’së, Ramush Haradinaj, i cili ka kundërshtuar votimin e Gjykatës Speciale, e ka quajtur të arritur të madhe për të gjithë Kosovën dështimin e themelimit të saj.
“Mosmiratimi i ndryshimeve kushtetuese është e arritur për Kosovën”, ka thënë ai.
Edhe lideri i Nismës për Kosovën, Fatmir Limaj, ka thënë se Kosova ka dërguar mesazhin e vet dhe askush nuk mund t’i detyrojë të shkelin sovranitetin.
“Ne e dërguam mesazhin tonë, me kulturë dhe argumente. Pavarësisht tensioneve, treguam që kemi dinjitet dhe kjo është çështje e mbyllur”, ka thënë Limaj. /Politiko.net/