Kryetari i AAK-së, Ramush Haradinaj, thotë se ka pritur që zgjedhjet lokale të 2013-s të kenë rezultat tjetër për partinë e tij, dhuke theksuar se nuk është aspak i kënaqur me arritjen e partisë.
“Kemi punuar për rezultate më të mira, kemi shpresuar, kemi pritur. Them të drejtën nuk jemi të kënaqur me rezultatin në zgjedhjet komunale. Kemi humbur në disa komuna, kemi fituar një komunë të re, por si rezultat nuk e çmojmë si fitore”, ka thënë Haradinaj për Bota sot.
I pari i AAK-së thotë se kryeministrin Hashim Thaçi e ka mbështetur për tema nacionale.
“Unë i kam dhënë mbështetje temave nacionale. Veriu ka qenë edhe një kancer për Kosovën, është një temë e pazgjidhur, është një brengë, një problem real që po na kushton edhe në zhvillim ekonomik, që po na kushton edhe në marrjen e njohjeve”, theksoi Haradinaj.
Së fundmi, Haradinaj pati deklaruar se bisedimet pas 19 prillit e kanë zbehur dhe shpenzuar arsyen e tij. Por që në këto bisedime edhe pas 19 prillit po vazhdon të marrë pjesë njeriu i dytë i AAK-së, Blerim Shala.
“Nëse dikush nga PDK-ja e sulmon Haradinajn dhe AAK-në në tërësi, AAK-ja dhe Haradinaj do t’i kthehen atij në nivelin qendror deri në fund. Pra ne e kemi bërë këtë dhe nuk do të durojmë. Ne e dimë se shumia e tyre shpifin, edhe kryetari i Pejes e di se ka shpifur, sepse ai, por edhe të tjerët rreth thij, e dinë se nuk është ashtu çka thotë ai”, ka shtuar Haradinaj./Bota sot/