Ka përfunduar takimi I liderëve të Koalicionit LDK-AAK-Nisma dhe VV.
Pas takimit, Kryetari I Aleancës për Ardhmërinë e Kosovës, Ramush Haradinaj, ka shprehur shqetësimin e këtij Blloku, për shkak se sipas tij vendi po udhëhiqet nga pakica.
“Vendi po qeveriset nga 36 deputetë. Ndërsa shumica parlamentare prej 64 deputetësh nuik po lejohet të veprojë”, ka thënë Haradinaj.
Sipas tij Hashim Thaci po vepron sikurse diktatorët të cilët mendojnë se janë të përjetshëm.
“Thaci po mendon si diktatorët e vjetër të cilët kanë menduar se janë të përjetshëm, por që kur janë larguar, janë larguar me turp”, ka thënë Haradinaj.
Haradinaj, ka përjashtuar mundësinë e zgjedhjeve, duke thënë se nuik do të ketë zgjedhje për shkak se shumica parlamentare ekziston.
Kësisoji ai ka thënë se presidentja nuk mund të vendosë t’I dërgojë në zgjedhje 64 deputetë, të cilët nuk duan të rizgjedhen edhe një herë.
“Presidentja, mund të vendosë vetëm për vete, por jo për t’I dërguar në zgjedhje 64 deputetë të cilët nuk e duan një gjë të tillë.
Ka filluar takimi i liderëve të Bllokut (Foto)
(E plotësuar) Liderët e Koalicionit LDK-AAK-Nisma dhe Vetëvendosje, sapo kanë filluar takimin.
Takimi po zhvillohet në vazhdën e konsultave për veprimet të cilat do t’i ndërmarrë ky koalicion gjatë ditëve në vijim, shkruan Gazeta Express.
Në takim po marrin pjesë liderët e koalicionit bashkë me ekipet e tyre.
Blloku mblidhet në orën 11:00
Vazhdojnë takimet e Koalicionit LDK-AAK-Nisma e Vetëvendosje.
Express mëson se takimi i radhës do të mbahet sot në orën 11:00, në zyrat e Grupit Parlamentar të LDK’së, në ndërtesën e Kuvendit të Kosovës.