Festivali i vjeljes së rrushit, Hardh Fest, që mbahet në qytetin e Rahovecit, ka konfirmuar datat për edicionin e radhës.
Adhuruesit e rrushit, verës e rakisë do të mblidhen në festivalin e vjeljes nga data 2 e deri më 4 shtator të këtij viti.
Motoja e sivjetme e festivalit do të jetë “për kokërr t’qejfit”, ndërsa detajet nga programi treditor i festivalit nuk janë bërë ende të ditura.
Edicionin e kaluar në kuadër të Hardh Fest ndër të tjera pati disa mbrëmje muzikore me rok-grup dhe DJ.