Portieri i Manchester Cityt, Joe Hart ka arritur marrëveshje me klubin nga Serie A, Torino.
Federata e Futbollit të Anglisë (FA) i ka dhënë atij leje që të largohet nga kampi i ekipit të hënën për të udhëtuar në Itali.
Hart, 29-vjeç, është njoftuar nga menaxheri i Manchester Cityt, Pep Guardiola, se është i lirë të largohet nga Etihad Stadium.
Marrëveshja do të zyrtarizohet para afatit të fundit për mbylljen e afatit kalimtar të verës më 31 gusht.
Pastaj, Hart do të kthehet në ekipin e Anglisë në përgatitje për ndeshjen e parë kualifikuese për Kampionatin botëror 2018 kundër Sllovakisë.
Hart ende nuk është paraqitur në edicionin e ri të Premierligës nën drejtimin e Guardiolës, i cili ka transferuar portierin kilian, Claudio Bravo, nga Barcelona.